ADNSU və UFAZ tələbələri, eləcə də məzunları üçün karyera sərgisi təşkil ediləcək

Tədbir haqqında

Dekabrın 6-da Azərbaycan Dövlət Neft və Sənaye Universiteti (ADNSU) və Azərbaycan-Fransız Universitetinin (UFAZ) təşkilatçılığı ilə karyera sərgisi keçiriləcək. ADNSU-nun akt Zalında saat 15:00-dan 18:00-dək baş tutacaq tədbir tələbə və məzunlar üçün yerli və beynəlxalq şirkətlərin nümayəndələri ilə əlaqə qurmaq baxımından böyük bir fürsət rolunu oynayacaq.

Qeyd edək ki, karyera sərgisi yalnız ADNSU və UFAZ-ın bakalavr və magistratura tələbələri, eləcə də məzunları üçün açıqdır və müxtəlif ixtisas sahələrini əhatə edir. Tədbir iştirakçıları tanınmış şirkətlərin təqdimat və məlumat sessiyalarında iştirak edərək karyera perspektivlərini araşdıra, potensial işəgötürənlər haqqında ətraflı məlumat əldə edə biləcəklər. Onlar öz CV-lərini birbaşa şirkət nümayəndələrinə təqdim etmək, işəgötürənlərlə şəbəkələşmək və hətta peşəkar karyeralarının ilk addımlarını atmaq üçün müsahibə sessiyalarına dəvət almaq imkanı əldə edəcəklər.

Bu tədbir tanınmış şirkətlərdəki imkanlarla tanış olmaq üçün unikal platformadır və iştirakçılara uğurlu karyera qurmağa kömək edəcək vacib alətlər təqdim edir.

Qeydiyyat üçün keçid: https://forms.gle/UrSFTnYRTeda7GJ69