UFAZ-ın və UNISTRA-nın müəllimi Filip Bertani Portativ NMR Spektrometrləri haqqında elmi seminar keçirəcək

Tədbir haqqında

UFAZ-ın Kimya üzrə dəvət olunmuş professoru Filip Bertani 9 oktyabr tarixində UFAZ-ın konfrans zalında tədqiqat seminarı keçirəcək. Seminarın mövzusu "Kimyəvi reaksiyaların monitorinqi üçün portativ və aşağı qiymətli NMR spektrometri" olacaq.

Seminarda professor Bertani əvvəlcə Nüvə Maqnit Rezonansının (NMR) əsasları barədə qısa məlumat verəcək. Daha sonra o, yenicə hazırlanmı prototip əsasında NMR spektrometrinin əsas komponentlərini təqdim edəcək. Seminar portativ NMR texnologiyasının kimyəvi reaksiyaların monitorinqində potensialını nümayiş etdirən praktik tətbiqlər və real nəticələrlə yekunlaşacaq.

Qeydiyyat üçün keçid: https://forms.office.com/r/FKeKYjVeUX