UFAZ-da “Böyük xəyallar: Xaricdə təhsil üçün imkanlar” adlı infosessiya keçirildi

Sentyabrın 28-də UFAZ-da UFAZ Məzunlar Şəbəkəsi və Azərbaycanlı Tələbə və Məzun Platformasının (ASAP) birgə təşkilatçılığı ilə “Böyük xəyallar: Xaricdə təhsil üçün imkanlar” adlı infosessiya keçirildi. Tədbirin məqsədi tələbələri xaricdə ali təhsil almaq üçün lazım olan məlumatlarla təmin etmək idi.

Sessiyada UFAZ Kimya mühəndisliyi ixtisasının məzunu Ləman Cəlil əsas məruzəçi qismində çıxış etdi və öz təcrübələrinə əsaslanaraq tələbələrlə beynəlxalq təhsil alma prosesi haqqında fikirlərini bölüşdü. O, praktiki məsləhətlər verdi və uğurlu CV hazırlamaq, şəxsi və akademik baxımdan güclü tərəfləri nümayiş etdirən təsirli motivasiya məktubu yazmaq strategiyaları və təhsil almaq istəyən tələbələr üçün mövcud olan geniş təqaüd imkanları haqqında təcrübələrini bölüşdü.

Bundan əlavə, Ləman güclü tövsiyə məktublarının əhəmiyyətini vurğuladı. O, həmçinin xaricdə təhsilə hazırlaşmanın digər mühüm aspektlərinə də toxundu, o cümlədən universitetlərin araşdırılması, qəbul prosesinin idarə edilməsi və müsahibələrə hazırlıqla bağlı danışıldı.

Bu tədbir UFAZ tələbələri üçün son dərəcə faydalı oldu və onlara akademik karyeralarında növbəti addımları atmaq və qlobal səviyyədə təhsil imkanlarını araşdırmaq üçün zəruri bilik qazandırdı. Tədbir həmçinin şəbəkələşmənin və şəxsi və peşəkar inkişaf üçün məzun əlaqələrindən yararlanmağın vacibliyini vurğuladı.