SOCAR nümayəndələri Elvin Əhmədov və Arzu Məmmədova UFAZ-da tələbələrə "Uğura aparan yol" mövzusunda interaktiv seminar keçiriblər

SOCAR nümayəndələri Elvin Əhmədov və Arzu Məmmədova UFAZ-da tələbələrə "Uğura aparan yol" mövzusunda motivasiya yönümlü və interaktiv seminar keçiriblər. Sessiya yalnız nitqlərlə deyil, həm də praktiki tapşırıqlar və strateji planlaşdırma oyunları ilə zəngin olub.

SOCAR-ın Yataqların Qiymətləndirilməsi və Ehtiyatların İdarə Edilməsi məsələləri üzrə sədr müavini, SOCAR-Fugro MMC İdarə Heyətinin üzvü və "Təhsil və Təlim Xidmətləri" MMC-nin direktoru Dr. Elvin Əhmədov tələbələrlə dəyərli biliklərini bölüşüb. Seminar mühazirələr, yarışmalar, interaktiv oyunlarla yadda qalıb.

SOCAR-ın Azneft İB-də insan resursları üzrə baş mütəxəssisi Arzu Məmmədova isə tədbirə qatılaraq enerji sektorunda uğurlu karyera qurmaq istəyən tələbələrə öz təcrübəsini və məsləhətlərini verib.