Batareyaların təkrar emalını nəzərdə tutan layihə başa çatıb

UFAZ-ın ekologiya klubunun təşkilatçılığı ilə keçirilən batareyaların təkrar emalını nəzərdə tutan layihə başa çatıb. Layihə çərçivəsində toplanmış batareyalar təkrar emal məqsədilə Ekologiya və Təbii Sərvətlər Nazirliyinə məxsus Tullantıları İdarəetmə Mərkəzinə təhvil verilib.

Qeyd edək ki, layihəyə əsasən UFAZ-ın giriş hissəsində xüsusi konteyner yerləşdirilmişdi. Tələbələr və əməkdaşlar istifadə müddətini başa vurmuş batareyaları təkrar emala göndərilməsi üçün semestr ərzində həmin konteynerə yerləşdirdilər.

Layihənin keçirilməsində məqsəd adambaşına düşən istixana qazları tullantılarının miqdarını azaltmaq və ətraf mühitin mühafizəsinə töhfə verməkdir.